Shkelzen Jetishi është një prej këngëtareve që është raportuar më herët se nuk qëndron mirë me punën e tatimeve.
Dyshohet se ai i është shmangur tatimeve në Amerikë, një shtet ku shmangia e tatimeve është edhe një krim serioz atje.
Për të ishte raportuar se atij i është shqiptuar ndalesë e përgjithshme për vizitë në Amerikë, pasi nuk kishte paguar taksa për biznesin me muzikë që e ka bërë atje, por ai më vonë e ka mohuar këtë.
Të njëjtat telashe me vizën, ishte raportuar se i ka pasur edhe këngëtari tjetër kosovar, Afrim Muqiqi, por edhe një këngëtar nga Shqipëria, i njohur në publik si Gena.
Raportimet e më hershme flasin edhe për një listë fortë të gjatë të këngëtarëve që u hetuan për shmangie tatimi në Kosovë. Ishin publikuar shumë emra si: Ramadan Krasniqi, Blerim Muharremi-Blero, Genta Ismaili, Afërdita Demaku, Violetë Kukaj-Retkoceri, Nystret Muqiqi, Merita Muqiqi, Albatrit Muqiqi, Jehona Sopi e Korab Shaqiri.
Indeksonline kishte raportuar po ashtu se ka arritur që ta sigurojë një listë me emrat e më shumë se 50 këngëtarëve të estradës që janë duke u hetuar nga Policia e Kosovës, nga Prokuroria dhe njësia për Krime Ekonomike.
Sipas këtij raportimi, këta 50 këngëtarë asnjëherë nuk i kanë paguar tatim shtetit të Kosovës ose kanë bërë pagesa simbolike, e në këtë mënyrë të gjitha të hyrat që ata kanë marrë nga mbrëmjet muzikore i kanë shkaktuar dëme milionëshe buxhetit të Kosovës. Këto, dhe shumë raportime të tjera, rrallë ose fare janë komentuar, e aq më pak konfirmuar nga Prokuroria./ InsajderiInDoks.
