Edhe Vesa Luma është bullizuar? “Shumë trauma për vite me radhë”

Këngëtarja shqiptare Vesa Luma ka treguar së fundmi se kur ka qenë fëmijë ajo është bullizuar. Për të bërë këtë rrëfim ajo u nxit nga video e një djali 9-vjeçar me nanizëm, Quaden, që iu luste nënës së tij t’i jepte një litar për të vrarë veten, pasi u ngacmua në shkollë.

“Edhe pse rasti im ishte shumë ndryshe nga fëmija në fjalë… Deri vonë nuk e kam kuptuar pse, shumë trauma për vite me radhë, të cilat vetëm familja ime është mundur t’i përballojë me mua. Nejse ndonjë rast tjetër do ketë për të folur për këtë temë që në fakt ishte mbyllur brenda në zemër. Por më vrau shumë ajo video.”, ka treguar ajo në rrjetet sociale.

Këngëtarja kishte edhe një mesazh për prindërit. Ajo u kërkoi që të flasin me fëmijët sapo ato të kthehen nga shkolla për të kuptuar çfarë ndodh me ta. “Ju lutem rrini afër fëmijëve dhe flisni shumë me ta, çdo herë, pas çdo dite të shkollës apo kopshtit. Kjo është terapia më e mirë për të kuptuar se çfarë po ndodh me fëmijën dhe shokët e shoqet përreth,”- shkroi ajo.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern