Një ngjarje e rëndë ka ndodhur rreth mesditës së sotme në kryeqytet.
Mësohet se një punëtor është aksidentuar në një pallat që po ndërtohet pas Presidencës.
Policia bën me dije se aksidenti ka ndodhur rreth orës 11:35 në rrugën “Ibrahim Rugova”, ku punëtori me iniciale Xh.D 41 vjeç, është goditur nga një gur që i ka rënë në trup.
Më pas ai është dërguar në spital, ku ndodhet jashtë rrezikut për jetën.
NJOFTIMI ZYRTAR I POLICISE
Sot, me datë 10.02.2020, rreth orës 11:35, në rrugën ” Ibrahim Rugova”, ku po ndërtohet një pallat i ri, shtetasit Xh.D ., 41 vjeç , puntor, i ka rënë një gur në trup, i cili është dërguar menjeherë në spital, ku ndodhet jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
