Një aksident i rëndë ka ndodhur përpara pak minutash në aksin rrugor Fier- Ballsh.
Mësohet se një automjet i tipit “Ford” ka humbur kontrollin duke dalë nga rruga dhe më pas ka rënë nga një lartësi e konsiderueshme duke përfunduar në lumin Gjallica.
Viktimë ka mbetur shoferi që udhëtonte i vetëm, i cili është identifikuar si shtetasi Gramoz Isufaj rreth 30 vjeç.
Sipas informacioneve ai ka mbetur i bllokuar brenda dhe nuk ka mundur dot të dalë jashtë, duke humbur kështu jetën.
Ndërkohë më herët u zbulua se makina tip ‘Ford’ me targa FR 5781 është në pronësi të shtetasit Ligor Shkëlqim Behari.
Policia ka mbërritur në vendngjarje dhe po heton për zbardhjen e plotë të rrethanave të aksidentit fatal.
