E bujshme/ Basha konfirmon pjesëmarrjen në tubimin e Metës, zbardhen 2 porositë për demokratët

Ka nisur edhe angazhimi i menjëhershëm i opozitës për tu bashkuar me presidentin Ilir Meta, në tubimin e thirrur nga ky i fundit mbasditen e 2 marsit përpara godinës së kryeministrisë në “Bulevardin Dëshmorët e Kombit”.

Pak pasi kryetarja e LSI Monika Kryemadhi u shpreh nga Shkodra se mbështetësit e partisë së saj do të jenë patjetër në miting, nga ana tjetër edhe lideri i Partisë Demokratike Lulzim Basha u ka dërguar mesazh kryetarëve të degëve ku ka konfirmuar pjesëmarrjen dhe kërkon që ata të organizohen.

Madje kryedemokrati ka dhënë dhe dy porosi për ta.

“Si qytetarë që duam që vendi të bëjë hapa para drejt konsolidimit të demokracisë, duhet t’i përgjigjemi çdo thirrje në mbrojtje të Kushtetutës dhe funksionimin demokratik të institucioneve të pavarura. Prandaj unë e mbështes tubimin e thirrur nga Presidenti për Kushtetutën.

Së pari mesazhi duhet të shpërndahet tek të gjitha strukturat e partisë.

Dhe së dyti, mbi këtë çështje do të kenë gjatë ditës bisedë telefonike me Sekretarin e Përgjithshëm të PD-së, për masat organizative.