Dy ‘të fortë’ nën shënjestrën e OFL, kush janë të dënuarit që duhet të deklarojnë pasurinë brenda 48 orësh (EMRAT)

Edhe ditën e sotme Operacioni Forca e Ligjit ka vijuar aksionin kundër krimit të organizuar dhe pasurive të vëna në mënyrë të paligjshme.

Bëhet me dije se u janë dërguar formularët e vetëdeklarimit dy shtetasve, të dënuar për trafik të lëndëve narkotike.

Sipas burimeve zyrtare, në vijim të veprimeve, bazuar në Aktin Normativ, OFL u ka dërguar kërkesat për vetëdeklarim të pasurisë shtetasit Kreshnik Budlla banues në Durrës, i dënuar në Spanjë për trafikim të lëndëve narkotike dhe  Fatjon Laze , banues në Elbasan i dënuar për trafikim të lëndëve narkotike.

“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme”, theksohet në njoftimin zyrtar të Operacionit Forca e Ligjit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern