“Do t’i kundërshtoj në momentin e duhur me prova e fakte/ Henri Çili reagon një ditë pas arrestimit: Akuzat janë tërësisht të manipuluara

Një ditë pas arrestimit, botuesi dhe pronari i UET Henri Çili ka folur për herë të parë, ndërsa ka mohuar kategorikisht akuzat që rëndojnë ndaj tij.

Ai i është nënshtruar seancave pyetësore ditën e djeshme tek oficerët e Policisë Gjyqësore.

Botuesi dhe analisti i njohur në dëshmitë e dhëna mësohet të jetë shprehur se s’ka kryer asnjë shkelje për akuzat që i bëhen dhe se gjithçka sipas tij eshte tërësisht e manipuluar dhe do t’i kundërshtojë ne momentin e duhur me prova dhe fakte.

Akuzat që më bëhen janë tërësisht të manipuluara. Nuk kam dijeni për akuzat e Prokurorisë. Nuk kam kryer asnjë shkelje”, është shprehur botuesi.

Burime nga Prokuroria e Permetit bëjnë të ditur se Henri Çilit do t’i komunikohet masa e arrestit në orët e mesdites së nesërme në Gjykatën e Faktit në Përmet.

Mbi Çilin rendojne kater vepra penale si “Fshehja e të ardhurave”, “ Pastrimi i produkteve të veprës penale ose veprimtarisë kriminale”, “Falsifikimi i dokumenteve”, “Mashtrimit”, “Ushtrimi i ndikimit të paligjshëm ndaj personave qe ushtrojnë funksione publike” dhe “Falsifikimi dokumenteve” në bashkëpunim.