“Do përjashtoheni 1 vit” Ky është gabimi që mund të penalizojë maturantët gjatë provimit

Sot Ministria e Arsimit ka publikuar rregullat e reja për provimet e “Maturës Shtetërore 2020”.

Mësohet  se një thirrje e fortë iu drejtohet të gjithë maturantëve, duke theksuar se paraqitja me telefon në provim apo gjetja e tij, e përjashton maturantin për 1 vit nga të gjitha provimet.

“Për Maturën Shtetërore janë shtuar edhe masat disiplinore: paraqitja e maturantit në qendrën e provimit dhe/ose konstatimi gjatë tij me #celular sjell përjashtim direkt nga të gjitha provimet e maturës dhe e detyron t’i japë ato pas një viti.#MaturaShtetërore2020”, njofton ministrja e Arsimit, Besa Shahini.

Më tej, në njoftim theksohet gjithashtu se përveç oficerëve të sigurisë, punonjësve të #MASR dhe institucioneve të varësisë, administratorë provimi këtë vit në Maturën Shtetërore do të jenë edhe praktikantët e mësuesisë, të cilët nuk janë as të fushës për të cilin zhvillohet provimi dhe nuk e administrojnë provimin në qytetin ku kanë zhvilluar praktikën.