Del shifra/ Ministri Çuçi e zbulon: Ja sa është dëmi që ka shkaktuar tërmeti i 26 nëntorit

Ditën e sotme qeveria ka zbuluar edhe shifrën zyrtare të dëmeve që shkaktoi tërmeti i fuqishëm 6.4 ballë që goditi Shqipërinë mëngjesin e 26 nëntorit.

Sipas asaj që zbulon ministri Blendi Çuçi, fatura e dëmeve është 985 milionë euro.

“Nga tërmeti tragjik i 26 nëntorit u prekën 202291 persona nga 11 bashki të vendit. Një kontribut i madh erdhi nga miqtë ndërkombëtarë. Vetëm një javë pas tërmetit qeveria kërkoi mbështetjen e BE-së, OKB-së dhe BB për një proces për të identifikuar dëmet dhe nevojat.

60 ekspertë të huaj dhe vendas dhe zyrtarë shqiptarë e përfunduan raportin në 30 janar. Është punuar me ritëm të lartë. 50 mijë ndërtesa  u verifikuan, 100% ndërtesat me rrezikshmëri të lartë. U zhvilluan edhe katër anketa për nevojat socio-ekonomike.

Dëmet janë 9.857.490.600, por dokumenti nuk është shterues“, – zbuloi Çuçi gjatë mbledhjes së qeverisë.