Dalin detaje të reja për zjarrin që përfshiu apartamentin në Shkodër

SHKODER

Kanë dalë në dritë detaje të reja për zjarrin që përfshiu një apartament në Shkodër. I moshuari 70-të vjeçar që humbi jetën Ismet Abdurrahmani ishte i vetëm në banesë, kur shtëpia u dogj.

Abdurrahmani mësohet se ka pasur probleme me bashkëshorten. 70-vjeçari ka tentuar disa herë t’i vendosë zjarrin banesës së tij.

Ende nuk janë të qarta arsyet pse u dogj apartamenti. I moshuari, për shkak të problemeve, ishte çuar disa herë në polici.

Drejtori i Zjarrfikësve në Shkodër Agron Dibra ka deklaruar se zjarri në apartament ishte i përmasave të mëdha. Ai shton se ishte e pamundur të hyje menjëherë në banesë.

“Zjarri në apartament ishte i përmasave të mëdha. Ishte e pamundur që të hyje menjëherë në banesë”, është shprehur Dibra.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern