Ç’po ndodh në Shkodër? Operacioni Forca e Ligjit ‘zbarkon’ në qytet

Operacioni Forca e Ligjit që do të godasë krimin dhe sekuestrojë pasuritë e vëna në mënyrë të paligjshme, ka zbarkuar mesditën e sotme në Shkodër.

Nëpër qytet shihen dhe dëgjohen sirenat e alarmit të makinave të policisë.

Nuk kanë dalë akoma detaje se cili është fokusi i këtij operacioni, por kujtojmë që një ditë me parë u sekuestrua resorti luksoz “Golden” i Altin Hajrit në Shijak, ku dyshohet se u mbajt peng dhe më pas u vra 49-vjeçari Jan Prenga.

Operacioni i sotëm në Shkodër, që me sa duket do të shoqërohet me një tjetër goditje, u paralajmërua që mbrëmë nga zv.ministri i Brendshëm Julian Hodaj.