Në seancën e sotme parlamentare deputeti Kujtim Gjuzi i ka habitur të gjithë me look-un e tij.
Zakonisht jemi mësuar që Gjuzin ta shohim të rregullt e të kuruar, por këtë herë është shfaqur ndryshe.
Veshja e tij ka qenë e pa hekurosur, me njolla në kollare edhe flokët mund të themi se janë të prakrehura.
Askush nuk e priste këtë pamje të deputetit, pasi zakonisht jemi mësuar që me një vështrim mos kemi asgjë për ti korrigjuar Gjuzit.
Gjatë fjalës së tij Gjuzi nuk harroi të fliste edhe për detyrën e tij në parlament ku është shprehur se ka dalë për inspektim për të parë atë që ndodh në baret e ditës dhe të natës.
Ai ka ngritur shqetësimin se brenda konsumohet duhan nga klientët.
“Ilir Beqja e vendosi rregullim dhe bëri shumë mirë, por e vendosi rregullin që të na vij një rregull tjetër dhe të mësojmë një variant tjetër japonez të pirjes së duhanit! Në fakt nëse keni vënë re gjatë këtyre 10-15 ditëve sapo kam marrë në dorë projektin e zotit Beqja, kam dalë siç e keni parë në barët e ditës dhe natës për të parë çfarë ndodh.
Pihet duhan. Pihet duhan se nuk është ministri i Brendshëm këtu, se disa komisarë të korruptuar vendosin disa gjoba. Me makina para bareve thoshin, doni me pi duhan? Po! Na jep ndonjë lek neve. Po s’ishin pak, 500 euro për bar. Tani ata komisarët me këshillimin e ministrit nuk i shoh më. Vazhdoj t’i ndjek hap pas hapi”, deklaroi Gjuzi gjatë fjalës së tij.
