“Brukseli është i dashuruar me Ramën” nuk përmbahet Laert Vasili: I dhanë mandatin e tretë

Një nga temat më të komentuara së fundmi është dhe Konferenca e Donatorëve, ku Shqipëria arriti të mbledhe fonde (grante dhe kredi) në shumën 1.15 miliardë euro për të prekurit nga tërmeti i 26 nëntorit.

Edhe mbrëmjen e djeshme, në programin “360 gradë”, është diskutuar për të njëjtën gjë.

I pranishëm ishte dhe aktori Laert Vasili, i cili u shpreh se Brukseli i dha “votëbesim” kryeministrit Edi Rama dhe se suksesi i kësaj konference është suksesi personal i tij.

Vasili shtoi se Rama do të fitojë dhe mandatin e tretë.

“Ndërkombëtarët me shumë maturi, se më mirë se Brukseli nuk e di më mirë se çfarë ndodh në Europën Juglindore, ata i kanë dhënë besimin Ramës. Brukseli është i dashuruar me Ramën. Për mendimin tim është një fitore personale, pasi ai njeri bëri gjithë turin për të mbledhur ato 97 vende. Nëse kjo nuk është një fitore personale. Për mendimin tim Brukseli i ka dhënë mandatin e tretë. Votëbesimin ia ka dhënë Brukseli.”, tha aktori në studio.