“Bizneset shqiptare duan skllevër, jo punëtorë” Dash Shehi e thotë hapur: Janë ngritur nga injorantë

Ish-deputeti Dashamir Shehi ka komentuar së fundmi për situatën aktuale në biznesin shqiptar, ku ka deklaruar se kjo kategori nuk kërkon punëtorë por skllevër.

I ftuar në programin “Opinion” ai ka folur për sektorin e fasonerisë ku u shpreh se për disa kohë ishte i vlefshëm por tanimë nuk punon njeri për 200 mijë lekë të vjetra.

‘Tani fasoneria është një lloj biznesi, është i ndërtuar mbi skllavërinë e punëtorit, për disa kohë ishte i vlefshëm në Shqipëri. Mbaroi! Do spostohet nga Shqipëria, nuk mund të punoj me 200 mijë lekë, këta nuk duan punëtor, këta duan skllevër.

Kapitalizmi shqiptar është i egër, i ndërtuar nga pronari, në shumicën e rasteve injorant, turp më vjen që e them, por meqë kam qenë ministri i Punës këtu e 30 vite më parë diçka di nga kjo punë. Kapitalizmi është një shoqëri aksionere dhe duhet ti bësh bashkë pronarë, inxhinieri, dreqin… Do të marrin pjesë tek fitimi jot, si mund ti marrësh vetëm ti dhe atij inxhinierit do t’thuash të marri 70 mijë lekë të vjetra dhe ti të marrësh 700 milionë në vit dhe do i japësh atij të firmosi dhe ca letra kot dhe do iki. Sigurisht që do iki ai’, u shpreh Shehi.