Tirana ka mbyllur pjesën e parë kundër Partizanit me rezultatin 2-1.
Ndonëse u ndëshkuan në minutën e 2-të nga një gol i William Cordeiros bardheblutë arritën të përmbysin gjithçka në harkun e 3 minutave. Fillimisht Torassa fiton një penallti pas kontaktit me Enea Bitrin dhe arbitri Juxhin Xhaja e ndëshkon mbrojtësin e të kuqeve me karton të kuq në minutën e 16-të.
Nga pika e bardhë Idriz Batha nuk fal duke vendosur ekuilibrat. 3 minuta më vonë sërish një penallti e akorduar për Tiranë dhe sërish Batha që vihet përpara Alban Hoxhës duke kaluar bardheblutë në epërsi në minutën e 20. Më pas edhe pse ekipet u munduan të rrezikonin portat respektive rezultati nuk ndryshoi.
