Basha publikon videon me militanten e PD-së që ‘hiqet’ si pensioniste

Kreu i Partisë Demokratike, Lulzim Basha ka publikuar videon e radhës në kuadër të strategjisë së re që po ndjek në komunikimin me qytetarët. Në fokus është një zonjë pensioniste e quajtur Vera, me të cilën kryedemokrati kalon një ditë të tërë ku mëson “hallet” me të cilët përballet çdo pensionist në përditshmëri, duke filluar që nga faturat e larta të dritave dhe ujit, çmimet e larta produkteve në treg.

Vera: Dy çunat pa punë, nuset pa punë. Vetëm 100 e sa mijë lekë ka paguar vetëm dritat.
Basha: Drtat dhe ujin
Vera: Pa ujin…unë marr një pension 182 mijë lekë.
Basha: Domethënë ty të shkon gjysme e pensionit më shumë se drita
Vera: Po ilaçet?
Basha: Me gjithë këto pagesa që bën, tani po shkojmë në pazar, çfarë arrin me ble?
Vera: Çfarë do blejë, dy patëllxhanë, dy kunguj, qepë, patate se s’yë del. Le që s’i kemi mësuar me lekë. Janë… ça të bëjmë.
Basha: Si e ka emrin furrxhiu i lagjes?
Furrxhiu: Skerdi
Basha: Skerdi, të lumshin duart.
Vera: Kjo është rutina e të gjithë nënave shqiptare. Të gjitha do bredhim ku është 5 lekë më lirë, 100 lekë më pak.
Basha: 130 mijë lekë të shkojnë vetëm këto të dyja. Sa e ke pensionin?
Vera: 182 mijë lekë.
Basha: Sa të shkojnë ilaçet Vera?
Vera: 40 mijë.
Basha: Se i ka këto kusure mosha, se kam dy prindër me ilaçe. S’ka vend as për dinjitet, me këto që më thua ti nuk ka asnjë vend për dinjitet.
Vera: Dhe shumë faleminderi se na bleve shegët.
Basha: Pa ça bleva shegë. Mirupafshim

Megjithatë, siç është raportuar më herët, zonja që paraqitet në videon e Bashës, nuk është një pensioniste e zakonshme, por një përkrahëse e zjarrtë e PD-së. Ajo quhet Pranvera Bodinaku, kryetare e Sindikatës së Tregtisë dhe Turizmit dhe është shumë aktive në kampin blu ku shfaqet herë si analiste në Shijak TV, herë në krah të Ervin Salianjit, madje ka mbajtur fjalime edhe në çadër.