“Një pacient i infektuar me koronavirus në zonën e King County, në shtetin e Washington, ka vdekur”, tha para pak çastesh zëdhënësi i Departamentit të Shëndetit në Uashington.
Kjo është vdekja e parë e konfirmuar nga koronavirusi në Shtetet e Bashkuara. Detaje të mëtejshme nuk ishin në dispozicion. Zyrtarët e shëndetësisë kanë planifikuar një konferencë për shtyp në orët në vazhdim.
Tani ka të paktën katër raste me koronavirus në Shtetet e Bashkuara, pa ndonjë histori udhëtimi të lidhur, thonë zyrtarët shëndetësorë.
Një grua në Oregon dhe një djalë i shkollës së mesme në shtetin Uashington mendohet se janë pozitivë, që do të thotë se testet e tyre u kryen në laboratorët lokalë, por rezultatet nuk janë konfirmuar ende nga CDC. Dy rastet e tjera të shfaqjes së Koronavirust janë nga Kalifornia.
