LIGJET E BIZNESIT
Tashmë ditët e fundit në të gjitha mediat tema me e diskutuar është Operacioni Forca e Ligjit, që është ndërmarrë me synim goditjen e krimit të organizuar.
Mbrëmjen e djeshme, gazetari i njohur investigativ Artan Hoxha ka bërë një deklaratë të fortë.
I ftuar në programin “Opinion” Hoxha ka theksuar se shumë nga bossët e krimit në Shqipëri, janë të lirë, madje edhe me vendim gjykate.
Ndër të tjera gazetari ka theksuar se për kapjen e tyre duhet punuar me teknika dhe përgjime, jo show me kallashe.
“Ai personi atje është i lirë në gjermani, ai Dervishaj. Lulzim Berisha është i lirë, atij që i bënë atentat (Plarent Dervishajt) meqë i kanë gjetur atentatorin thonë hajde të sekuestrojmë pasurinë. Ky është problemi i kësaj liste që kanë bërë.
Ardian Çapja po ashtu, nuk është i dënuar. Suel Çela po ashtu mori pafajësi. Emiljano Hysenaj dhe ai tjetri janë në burg në Gjermani, kanë sjellë nga Ekuadori kokainë dhe kanë sjellë 1.8 ton kokainë. 400 milionë euro thoshte policia gjermane dhe këta shkojnë i kapin papaqin. Problematika është që ti ke persona që janë të lirë të padënuar, me pasuri dhe biznese të deklaruara.
Me letra t’i duhet të punosh me inteligjencë jo me kallashë, ata kapen me përgjime me teknika. Ai nuk kapet duke bërë show.” , deklaroi Artan Hoxha nga studio.
