Arrestohet hajduti i biçikletave në Tiranë, ja teknika e tij e vjedhjes (VIDEO)

Policia e Tiranës ka vënë në pranga një 36-vjeçar i cili grabiste bicikletat nëpër vende të ndryshme në kryeqytet.

Ashtu sic duket edhe nga pamjet e kamerave të sigurisë, ai i është afruar biçikletës, e ka marrë dhe është larguar me shpejtësi.

“Dyshohet se në datën 28.01.2020,  rreth orës 17.00,  ka vjedhur biçikletën e një shtetasi në rrugën “Faik Konica”. Gjithashtu ky shtetas dyshohet edhe për disa vjedhje të tjera  të biçikletave ku në bashkëpunim  me Prokurorinë vijon puna për dokumentimin e tyre me prova ligjore“, – thotë policia.

NJOFTIMI ZYRTAR I POLICISE

Kapet dhe ndalohet nga shërbimet e komisariatit të Policisë nr.2 një shtetas që kryente vjedhje biçikletash.

Gjithashtu po nga këto shëbime gjatë kontrolleve është kapur dhe ndalur edhe një shtetas që ka thyer masën e sigursë “Arrest shtëpie”

Në vijim të punës për parandalimin e vjedhjeve, zbardhjen e atyre të ndodhura më parë, kapjen e vënien para drejtësisë të autorëve, Specialistët për Hetimin e Krimit në Komisariatin e Policisë nr 2, pas analizimit të pamjeve filmike dhe lokalizmit të vendodhjes së një personi që dyshohet si autor i vjedhjes së biçikletave , kanë bërë të mundur kapjen dhe ndalimin e shtetasit:

Gj. D.,  36 vjeç, banues në Tiranë ( i dënuar më parë për veprën penale vjedhje).

Shtetasi Gj. D., dyshohet se në datën 28.01.2020,  rreth orës 17.00,  ka vjedhur biçikletën e një shtetasi në rrugën “Faik Konica”. Gjithashtu ky shtetas dyshohet edhe për disa vjedhje të tjera  të biçikletave ku në bashkëpunim  me Prokurorinë vijon puna për dokumentimin e tyre me prova ligjore.

Materialet procedurale i kaluan Prokurorisë së Rrethit Gyqësor Tiranë për veprën penale “Vjedhja” .

Po nga shërbimet e Komisariatit të Policisë nr.2, gjatë kontrolleve të ushtruara në territor, kanë kapur dhe ndaluar shtetasin:

1. B., 36 vjeç,  banues në Tiranë. I dënuar më parë , për veprën penale ” Heqje e paligjshme e lirisë”.

Ky shtetas ka thyer masën e sigurimit “Arrest në shtëpi” , duke qarkulluar në  zonën e “Freskut” dhe në zonën e “Komuna e Parisit”. Materialet procedurale i kaluan Prokurorisë së Rrethit Gjyqësor Tiranë, për veprën penale  “Largimi i të burgosurit nga vendi i qëndrimit” .