Aksident te mbikalimit i Shkozetit, makina përplas kalimtarin

Një tjetër aksident automobilistik është regjistruar pasditen e sotme në autostradën Tiranë-Durrës, në afërsi të mbikalimit të Shkozetit.

Një person është goditur nga një automjet dhe ka mbetur i shtrirë në rrugë.

Ende nuk bëhen të ditura shkaqet e këtij aksidenti, ndërsa mësohet se policia ka shkuar në vendin e ngjarjes. Ende nuk bëhet me dije identiteti i drejtuesit të makinës apo personit të plagosur nga përplasja.

Theksojmë se ky mbikalim është kthyer në një vend të rrezikshëm për automjetet ku shpeshherë raportohen aksidente.