Një aksident automobilistik u regjistrua pasditen e sotme te mbikalimi i Shkozetit. Fillimisht u raportua se një person u godit nga një kamion.
Bëhet fjalë për një këmbësor rreth 50 vjeç i gjinisë mashkull edhe pse është transportuar menjëherë në urgjencë për ndihmë mjekësore por për shkak të plagëve të rënda ka ndërruar jetë në spital.
Ndërkohë drejtuesi i Kamionit është ndaluar dhe shoqëruar në polici për tu marrë në pyetje.
Sipas të dhënave paraprake mësohet se shkak i këtij aksidenti është bërë, tentativa për të kaluar autostradën nga këmbësori, ku për pasojë është goditur nga kamioni.
Njoftimi i policisë:
Më datë 05.02.2020, rreth orës 17:00, tek vendi i quajtur mbikalimi i Shkozetit, shtetasi A.B., duke drejtuar mjetin tip “Man” kamion, ka aksidentuar një këmbësor rreth 50 vjeç, i gjinise mashkull , akoma i pa identifikuar, i cili për pasojë ka ndërruar jetë.
Grupi hetimor ndodhet në vendngjarje dhe po punon për zbardhjen e shkakut të aksidentit. Drejtuesi i mjetit është shoqëruar në ambjentet e Policisë për veprime të mëtejshme.
