Aksident në Tiranë/ Autobuzi përplaset me makinën e policisë, 3 të plagosur

Një aksident ka ndodhur orët e para të mëngjesit të sotëm në Tiranë.

Mësohet se një autobuz i linjës “Tirana e Re” është përplasur me një makinë të policisë Rrugore.

Për pasojë janë plagosur tre pasagjere të autobuzit, të cilatndodhet nën kujdesin e mjekëve, jashtë rrezikut për jetën.

Sipas policisë ngjarja ka ndodhur në rrugën “Dritan Hoxha” rreth orës 07:25.

NJOFTIMI ZYRTAR I POLICISE

Rreth orës 07:25, në rrugën “Dritan Hoxha”, autobusi I linjës “Tirana e Re”, është përplasur me një mjet të Policisë Rrugore, dhe si pasojë e përplasjes dhe frenimit të menjëhershëm të mjetit autobuz kanë mbetur të dëmtuar tre pasagjere në autobus, F.D 53 vjeçe, S.GJ, 65 vjeçe dhe V.M 48 vjeçe, të cilat ndodhen nën kujdesin e mjekëve, jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.