Aksident fatal/ Po ktheheshin nga puna, humbin jetën 2 mësues

Një aksident fatal ka ndodhur mesditën e sotmë në aksin Memaliaj-Krehës.

Mësohet se ngjarja e rëndë u shënua në vendin e quajtur Mogila, 2 km larg Memaliajt.

Burime nga policia bëjnë me dije se viktimat janë 2 mësues, të cilët udhëtonin me një makinë që ka dalë nga rruga.

Ata po ktheheshin nga puna, në momentin që ka ndodhur aksidenti tragjik.

NJOFTIMI ZYRTAR I POLICISE

Memaliaj/ Informacion paraprak.

Në rrugën nacionale Memaliaj-Krahës, në vendin e quajtur “Mogila”, një automjet tip Benz ka dale nga rruga dhe është përmbysur.

Si pasojë kanë humbur jetën drejtuesi i mjetit dhe pasagjeri që ndodhej në mjet.

Në vendngjarje shkoi grupi hetimor dhe po punon për zbardhjen e shkaqeve të aksidentit.