”Ajsberg”paralajmëron publikimin e të pathënave: Reforma në drejtësi dhe shkeljet ligjore

Gazetari Artur Çani ka trajtuar mbrëmjen e sotme në emisionin investigativ, “Ajsberg” , çështjen e ngritjen e institucioneve të reja të drejtësisë në kuadër të reformës së nisur disa vite më parë.

Çani ka sjellë në vëmendje disa aktivitete që janë bërë në këtë kontekst, lëvizje politike, taktika të çastit. Ai ka trajtuar gjithashtu edhe disa nga emrat që kanë marrë pjesë në hartimin, uljen e palëve, rrugët që janë ndjekur e deri në fillimin e ngritjes së institucioneve të reja.

“Ajsberg” ka trajtuar shkurtimisht edhe disa nga vendime janë ndërmarrë duke nisur nga emrat që kanë nisur dhe që po e kryejnë reformën, që sipas gazetarit shumë emra lënë për të dëshiruar për shkak të shumë parimeve që janë shkelur.

“Ka persona që kanë konflikt interesi, ndodh në KPA, KLGJ dhe KLP, mabeni mend Tartar Bazajn që ka votuar në konflikt të hapur interesi, ka votuar një prokuror që kishte nisur një hetim ndaj tij. Këta anëtar të organeve të vettingut do t’ju tregoj që fatkeqësisht në një pjesë të tyre ka mungesë të profesionalizmit dhe përvojës. Kanë bërë shkelje që ligji nuk do ti toleronte. Ca i keni parë, ca i dini, por ca të tjerë nuk i dini dhe do t’ua tregojë unë. Këta janë zgjedhur nga Parlamenti. Kjo tregon se kanë një varësi plitike, por nuk plotësojnë për më tepër kriteret formale që kërkon ligji”, tha ndër të tjera Çani.

Gazetari ka paralajmëruar se në javët në vijim, “Ajsberg” do të flasë konkretisht, me emra dhe me fakte që kanë të bëjnë me reformën në drejtësi, emrat që janë marrë me të dhe shkeljet që janë kryer.