“A transmetohet koronavirusi nëpërmjet ushqimit?” Ja përgjigja e Institutit të Shëndetit Publik

E gjithë bota është duke kaluar aktualisht një frikë nga koronavirusi, pas disa viktimave dhe shumë të prekurve në shtete të ndryshme të botës, si Kinë, Kore e Jugut, Itali, Kroaci, Austri, etj.

Por një nga pyetjet që shumë persona e shtrojnë është se nëse koronavirusi mund të merret nëpërmjet ushqimit.

A transmetohet koronavirusi përmes rrugës ushqimore?

Kësaj pyetjeje i ka dhënë përgjigje sot, Instituti i Shëndetit Publik.

“Zakonisht sëmundjet respiratore nuk transmetohen me ushqim, i cili megjithatë duhet të trajtohet duke respektuar praktikat e mira të higjienës dhe duke shmangur kontaktin midis ushqimit të papërpunuar dhe atij të gatuar.”  , thuhet në njoftim.