Mëngjesin e sotëm një shtëpi private është djegur nga flakët.
Banesa që ka marrë flakë ndodhet në lagjen “Partizani”, në qytetin e Vlorës.
Në vendngjarje kanë mbërritur forcat zjarrëfikëse që po punojnë për shuarjen e zjarrit.
Dyshohet se shkak për zjarrin ka qenë një shkëndijë elektrike.
Fatmirësisht nuk ka persona të lënduar por vetëm dëme materiale.
Mësohet se familjarët menjëherë sapo kanë parë flakët e para kanë arritur të dalin nga banesa me shpejtësi.
