Zjarri në banesë në Kurbin/ Një fije shkrepëse i merr jetën vogëlushit 2-vjeçar

Mesdita e sotme, ishte tragjike për familjen Çoku në Sanxhak të Kurbinit. Teksa po luante me motrat dhe vëllezërit, një vogëlush 2-vjeçar është përfshirë nga flakët dhe për pasojë nga asfiksimi ka ndërruar jetë.

Ndërkohë që luanin me një shkrepëse, kasollja ngjitur me banesën e tyre është përfshirë nga flakët.

Pikërisht një fije shkrepëse, mësohet se është bërë shkak për zjarrin masiv që më pas ka përfshirë të gjithë magazinën ku ndodheshin fëmijët, ndërkohë që kryefamiljari në atë moment ndodhej në punë.

Policia dhe zjarrfikësja kanë mbërritur menjëherë në vendin e ngjarjes, por ajo që kanë gjetur ka qenë një magazinë e shkrumbuar dhe trupin e pajetë të fëmijës 2-vjeçar.