Zbulimi i madh: Shkencëtarët mund të kenë gjetur kurën për shërimin e të gjithë llojeve të kancerit

Shkenca është shumë pranë një zbulimi të madh, i cili mund të ndryshojë botën.

Lajmi i mirë vjen nga ekipi i Universitetit Cardiff, ku është zbuluar një metodë të re për të shkatërruar kancerin e prostatës, gjirit, mushkërive si dhe llojeve të tjera.

Shkencëtarët shprehen se një qelizë e re e sistemit tonë imunitar e zbuluar së fundmi mund të shfrytëzohet për të trajtuar të gjitha llojet e kancerit.

Gjetjet, të botuara në Nature Immunology, nuk janë testuar te pacientët, por studiuesit thonë se kanë “potencial shumë të madh”.

Ekspertët thanë se megjithëse puna është ende në fazën fillestare, rezultatet ishin shumë emocionuese.

Sistemi ynë imunitar është mbrojtja natyrale e trupit kundër infeksionit, por gjithashtu sulmon qelizat kanceroze. Shkencëtarët po kërkonin mënyra “jokonvencionale” të pazbuluara më parë që sistemi imunitar të sulmojë në mënyrë të natyrshme tumoret.

Ajo që gjetën ishte një qelizë T brenda gjakut të njerëzve. Kjo është një qelizë imune që mund të skanojë trupin për të vlerësuar nëse ekziston një kërcënim që duhet të eliminohet.

E kjo mund të sulmojë një gamë të gjerë kanceresh. “Ka një shans për të trajtuar çdo pacient,” i tha BBC-së studiuesi Prof Andrew Sewell.