Martin Skëndaj është i riu, që ekzekutoi në Patos më 19 dhjetor të 2019, Manol Rrapajn ish-të dashurin e motrës dhe kushëririn e tij Elis Kapajn.

Pasditen e djeshme, banesa e familjes së Martin Skëndajt në fshatin Kuqar të Patosit është përfshirë nga flakët.

Gjatë kohës që flakët kanë filluar të djegin banesën, brenda nuk ndodhej asnjë person pasi pas ngjarjes që tronditi qytetin ata kanë vendosur të largohen nga fshati.

Dyshohet se vënia e zjarrit është bërë me qëllim.

Në vendngjarje kanë mbërritur forca të shumta policie dhe zjarrëfikësja.

Kujtojmë se shkak për vrasjen e rëndë u bë një histori dashurie e njërit prej viktimave me motrën e autorit.

Viktimat i kishin bërë pritë autorit Martin Skëndaj, përpara se ky i fundit të qëllonte me armë mbi ta.

I ndodhur përballë një sulmi dhe i dhunuar me levë, Martin Skëndaj me detyrë gardian burgu ka nxjerrë armën e shërbimit dhe më pas i ka qëlluar.

Gjithashtu sipas informacionit të policisë 3 ditë përpara se të ndodhte krimi i rëndë ata kanë patur dhe një sherr afër banesave.

Martin Skëndaj e ka pranuar krimin e kryer edhe përpara trupit gjykues.