Detaje të reja tronditëse kanë dalë nga vrasja e 30-vjeçares Enkelejda Çapoku nga kunati i saj Eredet Capoku, krim ky që ndodhi në Paskuqan të Tiranës.
Sipas asaj që tregon e ëma e viktimës, vajza ka patur prej kohësh probleme me kunatin, i cili e përndiqte dhe i bënte presion pasi bashkëshorti i saj ndodhej në burg për drogë.
Ajo ka treguar skenën e tmerrit që ka përjetuar mbrëmjen e djeshme dhe tregon se autorin e kishin denoncuar dhe në polici.
Mbrëmjen e djeshme ai ka shkuar në banesën e Enkeledës dhe ka thyer derën, ndërkohë që ajo ishte në gjumë me nënën dhe vajzën e saj 18 vjeçe. Thyerjen e derës e ka ndier nëna e saj e cila flinte me të prej ditësh për shkak të konflikteve që kishte me kunatin.
“Erdhi më gjuajti pas koke, rashë pa ndjenja. Më qëlloi dhe mua me levë, rashë pa ndjenja. Eredeti merrej me drogë, e larguam nga shtëpia. Eredeti përndiqte vajzën time, i bënte presion. Ne po flinim në dhomë me vajzën dhe mbesën. Vajzës i preu damarët dhe vdiq. E dërguam në spital po ajo kishte mbaruar. Eredetin e denoncuam më parë në Polici se kishim frikë”, tregon e tronditur e ëma e viktimës.
