Vrasja në Astir/ Gjykata jep vendimin Noel Dishin

Gjykata Penale e Tiranës e Tiranës ka dhënë  masën e sigurisë “Arrest me burg”, për Noel Dishin, i cili është autori i  dyshuar i vrasjes së 28-vjeçarit Vilson Tafçiu në  Astir.

Mësohet se gjatë seancës gjyqësore, Dishi ka qëndruar i heshtur përballë gjyqtarit Altin Abdiu.

Ndërkohë, Dishi, mësohet se njihej edhe me dy emra të tjerë, dhe rreth dy vite e gjysmë më parë ishte marrë peng në Durrës.

Ai u mbajt në një bagazh makine nga tre persona dhe pas disa orësh u la i lirë në Vorë.

Rrëmbimi u hetua nga Krimet e Rënda por me shkrirjen e tyre dosja i kaloi prokurorisë së Durrësit.

Dishi, sipas burimeve u mor peng për të kërcënuar Vilsonin pasi ky i fundit nuk kishte dorëzuar një sasi droge.