LIGJET E BIZNESIT
Ditën e sotme Policia e Shtetit ka shoqëruar 6 persona, të cilët dyshohen se mund të kenë dijeni rreth vrasjes që biznesmenit Kastriot Reçi.
Krimi tronditi Rrëshenin mesditën e djeshme, ku 47-vjeçari u ekzekutua me snajper nga 150 metra largësi dhe një plumb në zemër i mori jetën.
Sipas informacioneve në momentin e ngjarjes viktima ka qenë i shoqëruar nga vëllai i tij dhe sapo kishin parkuar makinën për të hyrë në lokalin në pronësi të tyre, i cili ndodhet në qendër të qytetit.
Për fat i vëllai kishte hyrë në lokal vetëm pak sekonda përpara viktimës Kastriot Reci.
Përpara se të kryente ekzekutimin, vrasësi ka shkuar në katin e fundit të një pallati të pabanueshem, pasi të zotët nuk jetonin brenda.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Dera është hapur me forcë nga autori, i cili ka ndenjur brenda deri sa ka kryer krimin e rëndë.
Tashmë janë sekuestruar të gjitha kamerat e sigurisë në qytet, por ende nuk ka filmime qe tregojnë vrasësin me maskë teksa lë në tokë snajperin.
Por ka filmime me interes për hetimin nga dy kamera sigurie që lidhen me identifikimin dhe zbulimin e dy mjeteve, por edhe të një personi.
Deri tani pista e hetimit është ajo e hakmarrjes, dhe dyshohet se vrasja ka lidhje me të shkuarën e 47-vjeçarit dhe vëllait të tij Gaspër Reçi, i vrarë në prill të 2017, në Romë , Itali.
