Vijojnë arrestimet pas tërmetit, pranga ndërtuesit të njohur në Tiranë (EMRI)

Edhe ditën e sotme ka vijuar operacioni i Policisë së Shtetit për të ndaluar personat e cilësuar si përgjegjës për dëmtimet që kanë ndodhur në banesat e Tiranës, si pasojë e tërmetit të fuqishëm që goditi vendin më 26 nëntor.

Mësohet se sot ka rënë në pranga biznesmeni i njohur i fushës së ndërtimit Fejzo Dyrmishi.

Deri tani numri i personave të arrestuar për tërmetin ka shkuar në 28.

Ndër ta janë ish-zyrtarë, ndërtues e projektues, për të cilët Prokuroria e tiranës dyshon se janë përgjegjës për dëmtimet e konsiderueshme të banesave.

Ndërkohë që veprimet policore po vijojnë, emrat e disa prej të arrestuarve tashmë janë publikuar. Ndër personat kryesorë, sipas të dhënave të deritanishme, janë ndaluar ish-kryetari i Komunës së Farkës, Fatbardh Plaku, si edhe ish-drejtuesit lokalë të Kasharit, Besnik Fuçia e Faik Fejza.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern