Vëllai i vrau gruan, flet për herë të parë burri i Enkeleda Çapokut: Monstra më shkatërroi jetën, bënte gjeste

Ka folur sot për herë të parë nga qelia Elton Çapoku, bashkëshorti i të ndjerës Enkeleda Çapoku, e cila u vra nga kunati (vëllai i burrit) disa ditë më parë në banesën e saj në Paskuqan.

I hidhëruar ai ka thënë se vëllai i ka shkatërruar familjen dhe se duhet të dënohet me vdekje.

Ndër të tjera Çapoku ka hedhur dhe akuza për shtetin, duke thënë se nuk kishin bërë asgjë për ta mbrojtur, dhe pse viktima ishte e pajisur me urdhër mbrojtje.

Gjithashtu Elton Çapoku ka zbuluar se nuk i ka kërkuar kurrë vëllait të tij që ti ruajë nusen dhe se e kanë përzënë nga banesa pasi bënte gjeste dhe i përgjonte vazhdimisht.

BISEDA NE NJE LIDHJE TELEFONIKE ME EMISIONIN “ME ZEMER TE HAPUR”

Si e morët vesh lajmin?
I shpreh ngushëllime familjes së ndjerë të nuses time. Jam i shokuar për ngjarjen. Dua të bëj përgjegjës shtetin, se nusja ime ka qenë me urdhër-mbrojtje. Kam kërkuar që të dalë me leje, dhe këta s’më kanë nxjerr. Ai lloj monstre ka vënë dorë mbi familjen time (Për vëllain). Në momentin që ajo ka marrë urdhër-mbrojtje, shteti s’ka reaguar. I bëj shtetit thirrje për të gjithë ata burra që vënë dorë ndaj nënave, grave, të dënohen dhe mos të dalin nga burgu.

Ju keni qenë në dijeni që vëllai juaj përndiqte bashkëshorten? Kishte marrëdhënie të prishura?
Para ca kohësh ai mostra ka jetuar aty te ne. E kemi përzënë se nuk e mbanim dot. Bënte gjeste, i kam thënë do të denoncoj në polici.. Pastaj ai përgjonte. Nusja ka thënë në polici që ajo të marrë masa. Mua më shkatërroi familjen shteti, më la vajzën rrugëve. Unë kërkoj drejtësi. I kam pasur marrëdhënie të mira me gruan.

Prej sa kohësh e përndiqte?
Nga shtatori që më tha, më tha; ‘do bëj denncimin’. ‘Ik bëjë’- i thash se s’kisha ca bëjë.

I ke thënë gjë vëllait; ‘më ruaj familjen’?
Jo si kam thënë gjë atij të kontrollonte familjen time. I kisha thënë; largohu që aty, s’ke punë me familjen time.

Kur e ke takuar Enkeledën?
Në shtator më duket e kam takuar. Bashkë me vajzën. Se mbaj mend mirë

Aty të ka treguar për problemet?
Më ka treguar dhe i kam thënë; ‘bëj denoncim se s’kam ca bëj, se unë jam në burg’.

Keni kërkuar të jeni pjesë e varrimit?
Po kam kërkuar. Ditën tjetër kam takuar vëllain dhe motrën time…Ata kanë bërë kërkesë.

Si e more vesh lajmin?
Më kanë thënë shokët

Të treguar detajet?
Po e shoh me vëmendje tv. Për të tillin, kërkohet dënim me vdekje.

A ka pasur vëllai probleme të shëndetit mendor?
Kam 6 vite e kusur këtu, se di ca problemesh ka pasur. Se di si mund të jetë robi…

Se ke njohur për të tillë?
S’e kam njohur për të tillë. Shteti të marrë masa. Ta var në litar. Shteti s’ka marrë masa, s’ka reaguar.

E ke takuar vajzën pas ngjarjes?
Kam arritur të takojë vajzën…. (Qan) dhe mbyll telefonin.