Policia ka dhënë informacion zyrtar në lidhje me ngjarjen e rëndë që ndodhi përpara pak minutash në Korçë, ku një punëtor ndërtimi, i identifikuar si Elvis Josifi, humbi jetën si pasojë e goditjes nga vinçi.

Uniformat blu bëjnë me dije se viktima ka ndërruar jetë në vendngjarje si pasojë e plagëve të marra në kokë.

Zjarrfikësja dhe Policia hoqën vinçin nga trupi i Elvis Josifit, por tepër vonë pasi i riu kishte humbur jetën.

Në videon e mëposhtme duket edhe reagimi dramatik i kolegëve, të cilët janë të tronditur nga ngjarja e rëndë.

NJOFTIMI ZYRTAR I POLICISE

Korçë/Informacion paraprak

Më datë 03.01.2020, rreth orës 12:17, jemi njoftuar se në lagjen nr. 9, pranë stacionit të autobuzëve, në një objekt në ndërtim, dyshohet se është aksidentuar gjatë punës, shtetasi E.J., rreth 35 vjeç, banues në Korçë, i cili për pasojë ka gjetur vdekjen.

Grupi hetimor po punon për zbardhjen e rrethanave dhe shkaqeve të ngjarjes.