Për gjatë inspektimeve të kryera, Drejtoria Rajonale e AKU Fier ka asgjësuar sot 1.825 ton produkte ushqimore si patatina, miell, qumësht, bakerolls, molto etj, të sekuestruara nga bizneset dhe që u kishte kaluar afati i përdorimit.
Në zbatim të legjislacionit në fuqi ka vendosur 7 masa administrative “Paralajmërim” dhe janë lënë detyra për plotësimin e mangësive të konstatuara gjatë kontrolleve, si dhe janë vendosur 5 masa administrative “Gjobë” me vlerë totale 230,000 lekë.
Aksion i AKU Fier ka ardhur në vijim të zbatimit të planit vjetor të monitorimit për zbatimin e ligjit, verifikimin e plotësimit të kushteve dhe kritereve për licensim. Në total janë kryer 15 kontrolle zyrtare në Stabilimentet e Operatorit të Biznesit Ushqimor (me origjinë shtazore, joshtazore dhe produktet e mbrojtjes së bimëve).
