Një efektiv policie mbeti i plagosur pas një konflikti i cili degjeneroi në përdorimin e thikës në qendër të Peshkopisë. Ndërkaq, mësohet se ngjarja e rëndë ka ndodhur para Prefekturës së qytetit, rreth orës 13:30. Mësohet se Bukurosh Zagardi, 55 vjeç, është qëlluar me thikë disa herë nga dy persona të cilët mësohet se kanë fqinjët e tij. Bëhet fjalë për shtetasit me inicialet R.M., dhe A.M., babë e bir.
Burimet bëjnë të ditur se shkak i plagosjes me thikë është bërë një konflikt i vjetër pronësie mes dy familjeve ku pikënisje e kopnflikteve është një gardh që shërben si kufi ndarës mes dy banesave.
Ngjarja
Dy familjet kishin konflikte të herëpasherëshme, ndërsa 6 muaj më parë kishte ndodhur një përplasje dhe se ngrihen dyshime se sulmi i sotëm ndaj policit ishte i planifikuar.
Fakti që Bukurosh Zagardi ishte punonjës policie, të dy babë e bir, janë pajisur me thika dhe i kanë zënë pritë në qytet, para Prefekturës, kur 55-vjeçari ishte jashtë shërbimit. Fillimisht janë konfliktuar verbalisht me njëri-tjetrin, ndërsa dy agresorët e kanë qëlluar disa herë me thikë policin, duke i shkaktuar atij plagë në kraharor.
Aktualisht 55-vjeçari ndodhet në sallën e operacionit të spitalit të Peshkopisë, ku po i nënshtrohet një ndërhyrje kirurgjikale. Ndërkohë, policia arrestoi vetëm njërin nga autorët, babai, konkretisht shtetasin me inicialet R.M., dhe është shpallur në kërkim djali, shtetasi me inicialet A.M.
