Në konferencën për shtyp që mbajti në selinë blu, kryetari i Partisë Demokratike nuk ka lënë pa përmendur edhe të mandatuarin e PS për Reformën Zgjedhore Damian Gjiknurin.
Kujtojmë se ky i fundit është akuzuar shumë nga demokratët për shitblerjen e votave në Dibër.
Largimi i tij nga tryeza e Reformës Zgjedhore u lakua si një kusht i panegociueshëm për opozitën.
Por edhe pse ditën e djeshme, mazhoranca dhe opozita u ulën në tryezën e përbashkët ku ishte dhe Damian Gjiknuri, Basha ka paralajmëruar se nuk do të ketë amnisti për krimet elektorale.
Ai ka folur edhe për ish-kryetarin e Bashkisë Durrës Vangjush Dako dhe Ymer Lalën ku ka thënë se as ata nuk do i shpëtojnë drejtësisë.
“Në kushtet e Bundestagut dhe rezolutës së PPE është theksuar ndjekja penale dhe hetimi i kujtdo që ka konsumuar krime elektorale. Nuk ka për të pasur amnisti për Gjiknurin, Ymer Lalën, Vangjush Dakon. Dërgimi i tyre para drejtësisë është prioritet i PD. Këta janë të gjithë ushtarë të Edi Ramës. Stigmatizimi i procesit të Reformës Zgjedhore nuk është gjë tjetër veçse rënie pre e kësaj propagande., Synimik ynë është të largojmë Edi Ramën dhe të krijojmë kushte që asnjë partipolitike të mos i vendosë shqiptarët të marrë peng nga krimi”, u shpreh Basha gjatë fjalës së tij përpara gazetarëve.
