Ditën e sotme është zbardhur dëshmia e biznesmenit Petrit Laze, i cili mbeti i plagosur së bashku me bashkëshorten, Afërditën si pasojë e grabitjes që u bë ditën e dielë, në banesën e tyre në zonën e Alliasit, Tiranë.

Laze ka treguar se autorët kanë qneë dy dhe pasi kanë kërkuar paratë kanë qëlluar mbi çiftin në pjesën e poshtme të trupit duke i lënë të plagosur.

Ndër të tjera biznesmeni ka treguar që grabitësit kanë qenë të veshur me të zeza dhe të armatosur që të dy.

“Dëgjova zhurmë që u hap dera dhe dola për të parë. Pashë dy të rinjtë të gjatë të maskuar dhe veshur me kapota të gjata dhe të zeza. Njëri kishte pistolete në dorë ndërsa tjetri një armë tjetër më të gjatë. Më thanë ‘duam lekët’! Ku e keni kasafortën?”. Në dorë mbanin një ngjitës natriban dhe u turrën të më lidhnin. U përleshëm dhe më qëlluan. Pastaj qëlluan dhe Afërditën. Ne ulëritëm, kërkuam ndihmë dhe ata u larguan me vrap”, ka thënë biznesmeni Laze.

Afërdita dhe Petrit Laze ishin pronarë të disa bizneseve të prodhimit të brumërave, ku një prej tyre ishte në katin e parë të ndërtesës që ra pre e grabitjes që tronditi kryeqytetin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern