“Tregoni që jeni ndryshe nga Rilindja” Ish-ministri i Ramës thirrje të fortë opozitës

Ish-ministri i Drejtësisë, Ylli Manjani i cili mbante postin në kohën e qeverisë “Rama 1” i ka bërë sot një thirrje të fortë opozitës.

Me anë të një reagimi në rrjetet sociale, Manjani shprehet se nuk ka më kohë dhe tani është momenti i duhur që opozita të tregojë se është ndryshe nga Rilindja.

Sipas tij opozita duhet të dalë me plane konkrete dhe ligje që do të rivendosin demokracinë pluraliste në shinat e një shteti ligjor dhe me ekonomi tregu të lirë.

REAGIMI I PLOTE I YLLI MANJANIT

Zotërinj e zonja zyrtarisht opozitarë!

Është momenti të tregoni se përse jeni cilësisht ndryshe nga Rilindja.

Duhet ta tregoni tani, sa më shpejt cili është plani, kush janë ligjet e reja që do rivendosin demokracionë pluraliste në shinat e një shteti ligjor dhe me ekonomi tregu të lirë.
Duhet të tregoni sa shpejt bëhet! Nuk pret më dekiku, ndaj nuk ka kohë për dekada!!!

Se kush është Rama e shpura e tij nuk ka mbetur peshk që se di! Ska nevojë të harxhohet kohë e çmuar duke i dhënë legjitimitet Atij, qoftë edhe duke e sharë. Akoma se keni kuptuar se Ai këtë do, pra vemendjen dhe kohën tuaj të çmuar?!

Vështroni nga e ardhmja, lëreni mënjanë dhe partitë për një moment dhe projektoni Shqipërinë në shinat e zhvillimit të së ardhmes. Boll me të shkuarën!

Kur them e ardhmja, kam parasysh dekikun jo dekadën…

Njatjeta..!