Tiranë/ Grabitet institucioni financiar, i maskuari mori 50 mijë lekë të reja dhe u largua me vrap

Një i maskuar ka grabitur një sasi parash rreth 50 mijë lekë të reja në rrugën “Medar Shtylla” në Tiranë. Ngjarja mësohet të ketë ndodhur në një zyrë që i përket një institucioni financiar për kredidhënie në shuma të vogla.

Njoftimi i policisë:

Rreth orës 18:07, në rrugën “Medar Shtylla”, në një zyrë që i përket një institucioni financiar për kredidhënie në shuma të vogla, një person ende i paidentifikuar dhe i pa armatosur, ka marrë një sasi parash rreth 50 mijë lekë të reja dhe është larguar me vrap. Në ndjekje të autorit janë vënë shërbimet e Policisë “Shqiponjat”, Patrulla e Përgjithshme dhe Forca e Posaçme Operacionale e DVP Tiranë. Grupi hetimor po punon për identifikimin dhe kapjen e autorit.