Tërmeti u shkatërroi shtëpitë/ Nesër afati i fundit i strehimit, banorët tentojnë vetëvrasjen

Dita e nesërme është një dilemë e madhe për banorët e prekur nga tërmeti shkatërrimtar që goditi Shqipërinë mëngjesin e 26 nëntorit.

Kështu 3 janari është afati i fundit për të gjithë ata që janë strehuar aktualisht në hottele.

Qeveria ka marrë një vendim në të cilën thuhet se hotelet duhet të lirohen deri në 3 janar dhe banorëve u është thënë të gjejnë shtëpi me qera.

Situata paraqitet e tensionuar pasi shumë banorë në Thumanë shprehen se ende nuk kanë një strehë ku të rrinë.

Ata shprehen se është e vështirë të gjesh një banesë me qera pasi çmimet janë rritur. Ndërsa janë në ditën e fundit të strehimit, gjendja e tyre psikologjike është shumë e rënduar aq sa kanë tentuar edhe vetëvrasjen.

Alarmi për banorët e Thumanës është shpallur pas një takimi ditën e sotme me kryebashkiakun e Krujës Artur Bushi.