“Me shqetësim dhe dhimbje të thellë po ndjek situatën në Turqinë mike të goditur nga tërmeti tragjik”, kështu është shprehur Presidenti i Republikës së Shqipërisë Ilir Meta.
Përmes një mesazhi në rrjetin social Facebook, presidenti Meta shprehet se: “Në këto momente tepër të vështira, unë dhe populli shqiptar jemi në krah Turqisë”.
Reagimi i Metës
Me shqetësim dhe dhimbje të thellë po ndjek situatën në Turqinë mike, të goditur nga tërmeti tragjik.
Shumë i tronditur nga viktimat në njerëz, ju shpreh ngushëllimet më të ndjera familjarëve e të dashurve të tyre, të gjithë popullit turk dhe Presidentit Recep Tayyip Erdoğan, duke u lutur që të mos ketë të tjera humbje jetësh.
Të gjithë të lënduarve nga kjo fatkeqësi natyrore ju uroj shërim sa më të shpejtë.
Në këto momente tepër të vështira, unë dhe populli shqiptar jemi në krah Turqisë mike! ????
