Tërmeti në Turqi/ Kosova menjëherë ofron ndihmë, Thaçi: Jemi të gatshëm…

Pas tërmetit që tronditi Turqinë, presidenti i Kosovës, Hashim Thaçi ka ofruar ndihmën e forcave operacionale të vendit. Thaçi ofron ndihmë për të nxjerrë nga rrënojat personat që janë zënë poshtë, ndërsa shton se lutjet e tij shkojnë për familjet e viktimave e të plagosurve.

“Lutjet tona shkojnë për familjet e viktimave dhe të plagosurve nga tërmeti që goditi Elazigun. Kosova është e gatshme të dërgojë ndihmë të menjëhershme dhe të jetë në krah të njerëzve dhe qeverisë së Turqisë në këto momente tragjike,”-shkruan Thaçi.