Tërmeti në Durrës/ Flet sizmiologu Ormeni: janë pasgoditje nga tërmeti i 26 nëntorit

Lëkundje të tërmetit me magnitudë 4.5 të shkallës Rihter janë ndjerë në Fushë Krujë dhe Durrës mbrëmjen e sotme.

Sizmiologu Rrapo Ormeni, qetëson qytetarët, pasi thotë se janë në vazhdimësi të pasgoditjeve nga tërmeti i madh i 26 nëntorit dhe janë zvogëluar gjithnjë e më tepër.

“Ka rënë një pasgoditje në zonën e Durrësit në vazhdim të pasgoditjeve të tërmetit të 26 nëntorit, në afërsi të fshatit Safetaj të Durrësit. Një lëkundje normale me magnitudë katër. Por që kuptohet që është në vazhdën e pasgoditjeve pas atij tërmeti të madh”, u shpreh Ormeni në një lidhje telefonike me emisionin “Protokoll”.

Fatmirësisht nuk raportohet për dëme.