Tërmeti/ 12 orë nën rrënoja, shpëtohet gruaja shtatzënë

21 viktima janë regjistruar deri më tani nga tërmeti tragjik në Turqi. Pas fatkeqësisë që ka kapluar Turqinë, lajm i mirë vjen se disa persona janë nxjerrë të gjallë nga rrënojat.

Duke iu referuar mediave vendase, e quajnë “mrekulli” atë çka po ndodh në Elazig. Ekipet e kërkim-shpëtimit tashmë kanë shpëtuar 8 persona ku mes tyre dhe një grua shtatzënë dhe 1 fëmijë.

Të 8 personat mbijetuan 12 orë nën rrënojat në Malatya.

Tërmeti i fuqishëm me magnitutë  6.8 të shkallës Rihter që goditi Turqinë në provincën Elazig një ditë më parë, ka shkaktuar 21 viktima dhe 1015 persona të plagosur.  Deri më tani janë nxjerrë gjallë nga rrënojat 4 persona dhe gjithsej janë shembur 100 ndërtesa.

Mediet vendase raportojnë se pas tërmetit të fortë u  regjistruan edhe 78 lëkundje të tjera të vogla me magnitudë nga  2.4 deri në  5.4. Këto të fundit kanë shkaktuar shumë panik në popull. Raportohet  se dridhjet e tokës janë ndjerë në Irak, Siri, Liban dhe Izrael.