LIGJET E BIZNESIT
Ambasadorja e re amerikanë në vendin tonë Yuri Kim, ka shkuar sot në Presidencë për të zhvilluar një takim me presidentin Ilir Meta.
Mësohet se arsyeja e këtij takimi është se Kim do të paraqesë letrat kredenciale te Kreu i Shtetit.
Gjithashtu bëhet me dije se në orën 11:45 ajo do të mbajë dhe fjalimin e prezantimit në ambasadë.
Kujtojmë që Yuri Kim ka nisur zyrtarisht punën si përfaqësuese e SHBA në Shqipëri para katër ditëve.
Pasaardhsja e Donald Lu, Yuri Kim ka shërbyer në Departamentin e Shtetit si Drejtore e Zyrës së Çështjeve të Evropës Jugore.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ka qenë drejtoreshë e Qendrës së Departamentit të Shtetit për Studimin e Diplomacisë, Shefe e Stafit për Zëvendëssekretarin e Shtetit dhe Drejtore e Zyrës për Sigurinë Evropiane dhe Çështjeve Politiko-Ushtarake.
Yuri Kim është gruaja e parë koreano-amerikane që përfaqëson SHBA në postin e një ambasadori dhe personi i parë nga territori amerikan i Guamit që shërben në një post të tillë.
Ajo ka lindur në Kore dhe është rritur në ishullin Guam, një territor i SHBA në Oqeanin Paqësor.
