LIGJET E BIZNESIT
Në një konferencë për shtyp pas sulmit të Iranit, Presidenti i SHBA, Donald Trump dha një paralajmërim për Iranin që të heq dorë ng sulmet terroriste, duke deklaruar se Amerika ka fuqinë ushtarake më të fortë në botë.
Gjatë fjalës së tij në konferencë, Trump kujtoi se si forcat e ushtrisë së SHBA shkatërruan 100% ISIS dhe eliminuan kreun e organizatës terroriste, Al Bagdat.
“Ne nuk duam ta përdorim ushtrinë, edhe pse e kemi aq të madhe. Forca ushtarake amerikane është më e mira kundër terrorist. Ne shkatërruam 100% të ISIS, vramë liderin e tij, Al Bagdad. Ai ishte një përbindësh. Dhjetëra-mijëra luftëtarë të ISIS janë vrarë. ISIS është një armik natyral i Iranit. Shkatërrimi i ISIS është e mirë edhe për Iranin dhe ne duhet të punojmë bashkë për këto prioritet”, tha Trump, i cili paralajmëroi të tjera sanksione ndaj Iranit.
Sipas Donald Trump, Irani ka dhënë një mbështetje të pakufizuar ndaj ISIS dhe si rrjedhojë janë rritur sulmet terroriste në botë.
Presidenti i Shteteve të Bashkuar bëri thirrje që të vendosen sanksione të tjera ndaj Iranit. Trump gjithashtu përmendi edhe shpenzimet e shumta që janë bërë për armatimet e ushtrisë amerikane, të cilat arrijnë në 3 trilion dollarë. Në të njëjtën kohë Trump pritet ti kërkojë NATO-s një angazhim më të madh të trupave të saj në Lindjen e Mesme.
Në përfundim të fjalës së tij, Presidenti i SHBA, Donald Turmp, i përcolli një mesazh popullit të Iranit, duke iu thënë: “Ne duam që ju të keni një të ardhme të madhe, që e meritoni. Me prosperitet, me harmoni, me vendet e botës. SHBA janë gati të punojnë për paqen me të gjithë ata që e pranojnë”.
