Si të mbrohemi nga koronavirusi? Ministria e Shëndetësisë publikon këshillat e rëndësishme

Ditën e sotme Ministria e Shëndetësisë nëpërmjet një njoftimi ka publikuar disa këshilla të rëndësishme sesi mund të mbrohemi nga koronavirusi.

Sipas këtij institucioni tashmë koronavirusi mund të transmetohet nga njeriu te njeriu dhe shkakton simptoma tipike respiratore.

DISA KESHILLA SE SI TE MBRONI VETEN:

Lani shpesh duart me ujë dhe sapun ose pastrojini ato duke i fërkuar me pastrues me bazë alkooli;

Kur kolliteni apo teshtini, mbuloni gojën dhe hundën me shami letre. Hidheni menjëherë shaminë e letrës në koshin e plehrave dhe pastaj lani duart;

Mënjanoni kontaktet e ngushta me këdo që ka temperaturë dhe kollë;

Paraqituni tek mjeku nëse keni kollë, temperaturë apo vështirësi në frymëmarrje dhe raportoni historinë e udhëtimeve nëse keni kryer kohët e fundit.