Shqiptari i bën ‘zbor’ policisë, ishte në kërkim por ja si u arrestua në hotelin me 5 yje

Një shqiptar në Itali edhe pse ishte shpallur në kërkim prej kohësh nga policia vendase, është arrestuar në një hotel luksoz me pesë yje.

Mësohet se ai është 32-vjeçari me iniciale A.A, i cili u arrestua më 4 janar në një hotel me pesë yje në Forte Dei Marmi, ku kishte rezervuar për të kaluar festat e fundvitit.

Në recepsion ai kishte nxjerrë dokumenta false, por arriti të zbulohej pasi foto ishte shumë ndryshe nga paraqitja e tij.

Menjëherë personi i punësuar në recepsion, pas dyshimeve të forta vendosi të telefononte policinë.

Gjithashtu i riu ishte shpallur në kërkim më parë dhe ishte një emër i njohur për policinë pasi e kishin dëbuar nga shteti italian përpara disa kohësh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ishte kontrolli i shenjave nga ana e autoriteteve që zbuloi se ai po kërkohej prej kohësh nga policia.

Akuzat e tjera që rëndojnë mbi të janë rrëmbim me qëllim zhvatjen e vazhdueshme, dëmtim personal, mbajtje armësh, pjesë e një rrjeti droge, për të cilat është dënuar që në moshën 19 vjeç vite më parë.